Միացեք այս կարճ խմբային էքսկուրսիային՝ ուսումնասիրելու Հայաստանի ամենայուրահատուկ տեսարժան վայրերը: Սկզբում կայցելեք Գառնին՝ միակ հեթանոսական տաճարը Հայաստանում, այնուհետև քարանձավում փորված Գեղարդ վանական համալիրը: Էքսկուրսիայի վերջում կտեսնեք լավաշի թխման արարողությունը, որը ամենագեղեցիկ և տարածված հայկական ազգային ավանդույթներից մեկն է:

Գառնիի տաճար, Գեղարդ վանք, Լավաշի թխման վարպետաց դաս

Այս էքսկուրսիայի ընթացքում Դուք կայցելեք Գյումրին՝ իր մեծությամբ երկրորդ քաղաքը Հայաստանում, հանրապետության հիմնական մշակութային կենտրոններից մեկը: Վերջին տարիներին այստեղ է կառուցվել Հայաստանում միակ կաթոլիկ եկեղեցին: Այցելելով քաղաքային կենցաղի թանգարանը՝ Դուք կբացահայտեք Գյումրիի առօրյան, մշակույթն ու պատմությունը: Կունենաք կանգառ Սև Բերդում՝ Գյումրիի հայտնի հուշարձաններից մեկում, որը կառուցված լինելով 1834թ.-ին, ընդգրկված է Գյումրիի պատմության և մշակույթի անշարժ հուշարձանների ցանկում: Քաղաքի փողոցներով շրջելիս՝ կտեսնեք բազմաթիվ հին շենքեր և կզգաք 19-րդ դարի ճարտարապետության ոգին: Վերջին կանգառը Հառիճավանք վանական համալիրն է, որը տեղակայված է Արագած լեռան արևմտյան լանջին՝ ժայռոտ հրվանդանի վրա:

Գյումրի, Սև բերդ, Հառիճավանք

Ամենապահանջված ուղղություններից մեկը թե՛ տեղացի, թե՛ օտարերկրացի զբոսաշրջիկների շրջանում Սևան, Դիլիջանն է: Այս փաստն ամենևին էլ պատահական չէ, քանի որ տուրի շրջանակներում կարելի է միաժամանակ բացահայտել հայկական բնաշխարհի անապատային և խիտ անտառային լանդշաֆտները: Մեր առաջին կանգառը կլինի Սևանավանքը, որին հասնելու համար պետք է բարձրանանք թերակղզուց սկսվող մի քանի տասնյակ աստիճաններով: Վանական համալիրի պատմությանը ծանոթանալուց հետո, ցանկության դեպքում, կարող եք նավարկել Սևանա լճում, որն, ի դեպ, երկրագնդի քաղցրահամ ջուր ունեցող 2-րդ բարձրադիր լիճն է:
Շարունակելով ճանապարհը՝ կհասնենք Տավուշի մարզ, որտեղ կայցելենք 10-13-րդ դարերում կառուցված Գոշավանք և Հաղարծին վանական համալիրներ: Անտառապատ լեռներով շրջապատված այս երկու նշանավոր վանքերն անշուշտ կտպավորեն Ձեզ: Տուրի ընթացքում կունենանք նաև կարճատև կանգառ Հին Դիլիջան համալիրի տարածքում. համալիրն ամբողջապես արտահայտում է 19-րդ դարի Դիլիջան քաղաքի իրական շունչը:

Սևան, Դիլիջան, Հաղարծին, Գոշավանք

Հայաստանի ամենատպավորիչ տեսարժան վայրերն այստեղ են՝ Ձեզ զարմացնելու: Այցելեք Խոր Վիրապի վանքը՝ հիանալի վայր Արարատ լեռան ամենագեղեցիկ տեսարանները վայելելու համար, տեսեք Նորավանքը, որը յուրահատուկ է իր կառուցվածքով, քանի որ Սուրբ Աստվածածին եկեղեցին միակ երկհարկանի վանքն է Հայաստանում: Այնուհետև համտեսեք գինի «Հին Արենի» գինու գործարանում՝ Արենի գյուղում, որը Հայաստանի ամենահին բնակավայրերից մեկն է՝ հայտնի իր գինիներով: Էքսկուրսիայի ամենավերջում այցելեք «Թռչունների քարանձավ»-ը՝ հայտնի նաև Արենի-1 անվանումով:

Հայտնի տուրեր և միջոցառումներ