Երևանից 50կմ դեպի հյուսիս-արևելք, 1840մ ծովի մակերեսից բարձր, և դուք լեռնադահուկային քաղաքում եք՝ «ծաղիկների ձորում», Թեղենիս լեռան լանջին։ «Ծաղիկների ձոր» է կոչվում Ծաղկաձոր քաղաքը՝ ամբողջ աշխարհի լեռնադահուկորդների կողմից շատ սիրված տեղերից մեկը։
Քաղաքի լեռնադահուկային բազան կառուցվել է դեռ խորհոդային տարիներին ԽՍՀՄ-ի օլիմպիական հավաքականի մարզվելու համար։ Եվ մինչ այսօր էլ բազան համապատասխանում է թե՛ սիրողական, և թե՛ մասնագիտական լեռնադահուկային սպորտի պահանջներին։ Քաղաքի ճոպանուղին աշխատում է արդեն 40 տարուց ավել։ Կես ժամում այն կհասցնի ձեզ 2819մ բարձրության վրա։ 

Քաղաքում բազմաթիվ հյուրանոցներ, առողջարաններ և ռեստորաններ կան։ Ծաղկաձորի զբոսաշրջային ենթակառուցվածքները բավականին լավ են զարգացած։ Սակայն, ձեր ճամփորդությունը ամրագրեք նախօրոք․ զբոսաշրջային սեզոնին ո՛չ վարձով բնակարաններում, ո՛չ էլ հյուրանոցներում ազատ տեղեր չեք գտնի։
Ներկայումս Ծաղկաձորը տուրիստական քաղաք է, որտեղ սեզոնին զբոսաշրջիկները տեղաբնակներից ավելի մեծաքանակ են։ Սակայն քաղաքի կարգավիճակ Ծաղկաձորը ստացել է միայն 1958 թ․։
Ի՞նչ տեսնել
Չնայած նրան, որ դահուկասահքը համարվում է Ծաղկաձորի ամենագլխավոր գրավչության գործոնը, քաղաքի ինտելեկտուալ կյանքը նույնպես բազմազան է։ Ծաղկաձորի կենտրոնում տեղակայված է Օրբելի եղբայրների՝ Լևոն, Ռուբեն և Հովսեփ Օրբելիների տուն-թանգարանը։ Այստեղ են ծնվել և մեծացել հայկական գիտության փայլուն ուղեղները։
Հովսեփ Օրբելին այն հայ գիտնականն էր, ով պաշտպանեց Էրմիտաժը, փրկեց պատմությունը ֆաշիստներից։ 1934-1951թթ․ նա Պետական Էրմիտաժի տնօրենն է եղել։
Լևոն Օրբելիի բոլոր տիտղոսները և պաշտոնները թվարկելու համար առանձին հոդված է հարկավոր։ Կնշենք միայն մի քանիսը․ Պավլովի օգնական փորձագիտական բժշկության ինստիտուտում, ակադեմիկոս (1935 թ-ից), 1942-1946 թթ․ ԽՍՀՄ գիտությունների Ակադեմիայի փոխնախագահ։
Ռուբեն Օրբելի՝ պրոֆեսոր, հումանիտար առարկաների դասախոս, հնագետ, ԽՍՀՄ-ում ստորջրյա հնագիտություն ուսուցման հիմնադիր։
Այցելեք թանգարանը, զբոսնեք քաղաքով, մտեք Կեչառիս վանական համալիր։ XII‒XIII դդ․ կառուցված Կեչառիսը Հայաստանի բարձրագույն դպրոց ունեցող ամենախոշոր պաշտանմունքային կենտրոն է համարվել։ Եկեղեցու գլխավոր տաճարը Սուրբ Գրիգոր եկեղեցին է։ Դա վանքի առաջին շինությունն է, որը 1003թ․ կառուցեց Փահլավունի իշխանական տոհմից Գրիգոր Մագիստրոսը։ Եկեղեցին գմբեթավոր է, և Հայաստանում զարգացած ավատատիրական ժամանակաշրջանում ամենաաչքի ընկնող եկեղեցական համալիրն է եղել։

Ծաղկաձոր

Երևանից 50կմ դեպի հյուսիս-արևելք, 1840մ ծովի մակերեսից բարձր, և դուք լեռնադահուկային քաղաքում եք՝ «ծաղիկների ձորում», Թեղենիս լեռան լանջին։ «Ծաղիկների ձոր» է կոչվում Ծաղկաձոր քաղաքը՝ ամբողջ աշխարհի լեռնադահուկորդների կողմից շատ սիրված տեղերից մեկը։

Ծաղկաձոր

Ինչու ենք մենք սիրում Ծաղկաձորը

Տուր և տոմսեր

Bustourma-ն խորհուրդ է տալիս