Ցանկանու՞մ եք խաղաղ ու անվրդով վայելել ձեր հանգիստը, ուրեմն այցելեք Գորիս, Սյունիքի մարզի մեծությամբ երկրորդ քաղաքը:
Քաղաք մտնելիս կանգ առեք ՛՛Զանգեզուր՛՛ արձանախմբի մոտ՝ վերևից զմայլվելու քաղաքի համայնապատկերով: Գորիսը ուղիղ փողոցներով զմրուխտյա քաղաք է՝ շրջապատված արտասովոր լեռներով, որն էլ նրան առանձնացնում է մյուս հայկական քաղաքներից և բնակավայրերից:
Թեև Գորիսն ունի քաղաքի կարգավիճակ, այնուամենայնիվ, այնտեղ չկա քաղաքներին բնորոշ եռուզեռն ու վազվզուքը: Առավոտյան ձեզ կարթնացնեն աքաղաղներն ու թռչունների դայլայլը: Ըմբոշխնեք ձեր առավոտյան թեյն ու սուրճը գորիսյան քաղցրավենիքներով, շնչեք մաքրամաքուր արբեցնող օդը և կտրվեք խելացնոր առաջադեմ աշխարհից: Հիացեք քաղաքը շրջապատող լեռնապարերով և միայն դրանից հետո սկսեք ձեր պտույտը քաղաքում:&nbsp;
Քաղաքը փռված է լեռնային գոգահովտում, իսկ նույնանուն Գորիս գետը քաղաքը բաժանում է երկու մասի՝ հին և նոր քաղաքների: Հին քաղաքը՝ Կյորեսը, քարանձավների լաբիրինթոս է՝ քարե բուրգերով և դարչնագույն, մոխրագույն, սև ու թխաթույր կոնաձև անսովոր սյուներով, որոնք կոչվում են նաև Գորիսի Քարե անտառ: Այդ հրաշքը քամիների, ջրերի և արևի աշխատանքի արդյունքն է:
Հինավուրց ժամանակներից այս քարանձավներում մարդիկ են ապրել: Պեղումների ժամանակ այստեղ հայտնաբերվել են պղնձի և բրոնզի դարերի բրուտագործական իրեր: Ժամանակի ընթացքում այս քարանձավներն ընդարձակվեցին, ավելի հարմարավետ դարձան ու բարենորոգվեցին և արդեն 20-րդ դարի սկզբներին Կյորեսը դարձավ բավականին մեծ քարանձավային բնակավայր: Հին քաղաքում կարելի է նաև տեսնել 17-19-րդ դարերի եկեղեցու և գերեզմանոցի ավերակներ;
Ի՞նչ տեսնել
Հին քաղաքից տեղափոխվենք նոր քաղաք: Զբոսնենք Գորիսի փողոցներով: Տները հիմնականում երկհարկանի են՝ ուրույն ճարտարապետությամբ և զարդարված խաղողի որթերով: Կարող եք այցելել մեծանուն արձակագիր Ակսել Բակունցի տուն-թանգարանը, սբ Գրիգոր եկեղեցին և ՛՛Յոթ աղբյուր՛՛ հուշարձանը:
Գորիսեցիները հյուրընկալ են, չափավոր և' խոսքի, և' շարժումների մեջ, հպարտ՝ ինչպես Սյունիքի երկնքում ճախրող արծիվը:
Գորիսից կարելի է կազմակերպել էքսկուրսիա դեպի քարանձավային գյուղ Խնձորեսկ, որն ավելի քան 1000 տարեկան է: Քարանձավային բնակավայր կարելի է հասնել կախովի ճոճվող կամրջով, որն ունի 160մ երկարություն և 63մ բարձրություն:
Այցելության արժանի է Տաթևի վանական համալիրը՝ 9-10-րդ դարերի պատմական հուշարձանը, որի պատերի ներսում գործել է Տաթևի միջնադարյան համալսարանը: Տաթևի վանք կարելի է հասնել ՛՛ՏաԹևեր՛՛ ՝աշխարհի ամենաերկար դարձափոխային ճոպանուղով՝ 5752մ երկարությամբ;
Երեկոյան, կրկին վերադառնալով Գորիս, համտեսեք տեղական ազգային խոհանոցը: Երեկոն ավարտեք մեկ գավաթ տնական գինով կամ մեկ բաժակ տնական մրգային կամ թթի օղիով: Հավատացեք, դուք ավելի շուտ կհարբեք թարմ մաքուր օդից, քան այս ըմպելիքներից:
Հենց Գորիսում կարելի է լիարժեք հանգստանալ, միևնույն ժամանակ ընկղմվելով պատմության խորքերը:&nbsp;&nbsp;

Գորիս

Ցանկանու՞մ եք խաղաղ ու անվրդով վայելել ձեր հանգիստը, ուրեմն այցելեք Գորիս, Սյունիքի մարզի մեծությամբ երկրորդ քաղաքը:
Քաղաք մտնելիս կանգ առեք ՛՛Զանգեզուր՛՛ արձանախմբի մոտ՝ վերևից զմայլվելու քաղաքի համայնապատկերով: Գորիսը ուղիղ փողոցներով զմրուխտյա քաղաք է՝ շրջապատված արտասովոր լեռներով, որն էլ նրան առանձնացնում է մյուս հայկական քաղաքներից և բնակավայրերից:

Գորիս

Ինչու ենք մենք սիրում Գորիսը

Տուր և տոմսեր

Bustourma-ն խորհուրդ է տալիս